Bhopal

Mwin lé né Bhopal
Dann kartyé atèrla
La di lak sakré lé zoli lé gayar
 
Mwin la zamé vi in limyèr in zékli
Mwin la zamé vi in koulèr in sari
Mwin la zamé vi in limyèr in zékli
Mwin la sort avèg porézon zot produi
 
Madhya pradesh mon nasyon
Kinm paradi in prizon
Pwin lavnir pwin lorizon
Sak Zour mi port mon karlon 
 
Papa fé lontan
Twé la désot la vi
Avansa wa batay
Konm in syin in kabri. 
Papa kinm la di ou pé ropoz aou
Papa inkyèt pi Anderson la parti
Papa trouv la fors té po pardonn ali
Ma pa di oubli ma di pardonn ali
 
Bana dann mon kèr
mwin na pi la kolèr
Pi dann gran malèr 
Na touzour in lanvèr
mwin la zamé vi in zwazo in zétwal 
Mwin la zamé vi in bato tann in vwal 
Mwin la zamé vi papiyon rod in flèr
Ki ant nou dé ou wi sora plis atèr
Kan fénwar sa rivé in zour d'si out popyèr 
Di amwin ant nou dé ki sora plis atèr.
 
Madhya pradesh mon nasyon
Kinm paradi in prizon
Pwin lavnir pwin lorizon
Sak Zour mi port mon karlon 

Kinm lo syèl an dal béton 
Konm bégum la perd son nom
Mi tann mon min po larzan 
Dann marsé sou pyé banyan