راح ونساني

كيف ينساني وأنا في البعد أعاني
كيف يجفاني وأنا ما أقوى جفاء
ما غفى جفني بعد هجره ثواني
وجفن عينه ليلة غيابه غفى

الأناني ما يشوف إنّه أناني
يرتجي منك الوفاء لو ما وفى
ماخذٍ منّي كثير ولا عطاني
لو خذا منّي عيوني ما اكتفى

لأجل وصله ذقت منّه ما كفاني
برد ضيمه ضامني عقب الدفى
كنت أظنّه من بحر حبّه رواني
واكتشفت إنّه سرابٍ واختفى
واكتشفت إنّه سرابٍ واختفى
كيف ينساني وأنا في البعد أعاني
كيف يجفاني وأنا ما أقوى جفاء

من طعونه وش بقى يا قلب ثاني
فوق يا قلبي ولا عنّك خفى
وإن تخيّل يوم لا صار بمكاني
ما لقى من قوّة جروحه شفى

ويش لي في واحدٍ راح ونساني
عافه الخاطر ولو عاد ولفى
من على اللوعات بصدوده حداني
حالفٍ ما أكون من لان وعفى

من بلاني بالقطاعة وابتلاني
ماني اللي في سماء عشقه صفاء
مات عشقه واندفن والعمر فاني
ونور وصله داخل الصدر انطفى

من بلاني بالقطاعة وابتلاني
ماني اللي في سماء عشقه صفاء
مات عشقه واندفن والعمر فاني
ونور وصله داخل الصدر انطفى
كيف ينساني وأنا في البعد أعاني
كيف يجفاني وأنا ما أقوى جفاء