Жамгыр Төктү

Жамгыр төктү эч басылбай
Биз келаттык көл-шал болуп
Жол кароого көз ачырбай
Бет алдыдан шамаал согуп

Күн күркүрөп, жамгыр төктү
Ошол күндөр кайда кетти?
Жаштыгымдай же кечээги
Кайрылбай кетеби?

Жамгыр төктү, эске түштүң
Алыс калган жаштыгымдай
Сагынтасың жүрөктү эзип
Колдон учкан ак кушумдай

Жылдар учат канаттуудай
Жамгыр төгөт эч басылбай
Жамгырларда эскеребиз
Алгач сүйүү унутулбай