Keyanew

ሲያዝንና ሲደሰት ሲያፈቅርም ከልቡ
ስሜቱን ይገልጻል በሞያ ጥበቡ
ሲያዝንና ሲደሰት ሲያፈቅርም ከልቡ
ስሜቱን ይገልጻል በሞያ ጥበቡ

ሁሌም ለአዲስ ነገር ራሱን ያዘጋጀ
ጥበበኛ አይምሮ ጥበብ ያደራጀ
የህይወትን ዙሪያ ውስጡን ይዳሳል
ብዙ እንቅፋት አለው ይወድቃል ይነሳል
ውጥኑን ጀምሮት እስከሚጨርሰው
ልረፍን አያውቅም ከግብ እስኪያደርሰው

የሙያ ድግሱን በመድርክ አቅርቦ
የታዳሚን መንፈስ አዝናንቶ መግቦ
የጥረቱን ዋጋ የድካም ውጤቱ
የህዝብ አድናቆት ነው የዘላለም ሀብቱ

የህዝቡ ፍቅር እንጂ ሀብትና ንብረቱ
ሌላ ምን ቅርስ አለው በቤት በማጀቱ
እውነታው ይሄው ነው የከያኒ ውበቱ

ሁል ግዜ ጠባቂ የወሩን መባቻ
ደርሶም ኪሱ አይሞላ ያው ጠብታ ብቻ
ሆዱን ለማሸነፍ ባይሸማቀቅም
የጎጆ ሽንቁር የጎጆ ሽንቁሩን ደፍኖበት አያውቅም

ላቡ ከፍሬው ጋር እስከሚሆን አቻ
ደስተኛነቱ ነው የሚስጥሩ መፍቻ
ላቡ ከፍሬው ጋር እስከሚሆን አቻ
ደስተኛነቱ ነው የሚስጥሩ መፍቻ