Hamra Yammata

Dawo Hamra yan mata

Labarin kauna akwai dadi
Wani sa'in so akwai daci
Na zautu a kanki ba bacci
So ya sanya ni lalaci
Zuma ta zam mini madaci
Hamra ki juyo sai naji dadi
Labarin Hamra zan baku
Hamra yan mata

Wata ranar sallah ne hawan Ado Bayero na karshe
In zaku tuna hawan Dorayi, hawan Ado yana yi
Na fito ni da abokaina mu mu biyar a kyawun yanayi
Kallon komawar sarki waigen da na dan yi

Naga wani wal-wal haka hasken idanun Hamra ya janye ra'ayi na
Su, su uku ne amma tinani na Hamra tazo gu na
Zuciyata na raya min inje kusa inyi bayanin kaina
Sai na dan juya nace wa abokina B Malik nai kamu
Yace min me ka samo?

Abdul respect ya dan yi murmushi ya dake ni yace abokina
Wata yarinya a gefen ka naga kamar kalbin ta kwai kauna
B Malik sai yace mu dan karasa muyi musu jawabi mana
Ma'anar sa jawabin kauna

Saina dan karasa nayo sallama a gareta ta amsa mini
Sai nace "Baiwar Allah akwai gu nan ko a dan gusa mini"
Sai tayo wani murmushi wanda duk yanayi na ya dadada mini
Sai tace mini "Malam dan dakata haka karda ka takura mini"
Amma ba komai don na sani soyayyace ta ja mini
Sai nace mata "Kinga sunanki ne fa kawai zaki dan gaya mini"

Umar Lastdon ya dan karaso sai yace mata "Kinga yan mata"
Shi ya karasa duk jawaban da zan, shi ya furta mata manufa ta
Mun yo nasara don mun yi sabo sosai ni da shi da ita
Har Sarki ya wuce, mun wuce dukkanin mu muna ta bankwana
Sai wata rana

Mun dawo hanya Dan shaba sai ya tabo ni yace "abokina"
Yaya sunan budurwar da kai ne, ko kuma a'a ba suna?
Sai na dan yi shiru ina yin tunanin shin wai ta gayan suna
Aiko bata fada min ba

B Malik sai yace mu koma ai rai da rabo wata kila ma dace
Aiko mun dace
Na tambayi sunanta sai tace min wai sunanta ita data
Sai ta nuna min kawarta tace min wannan kuma wai goba
Dayar data karaso tace dani "Ni kuma sunana yalo"
To kai yaya sunan ka?

Sai nace "Suna na Hamisu Breaker Dorayi, haka suna na"
Sai Hamra ta karaso tace dani "Sunana na gaskiya Hamra"
Eh kwarai Hamra

Sai na ce. "A ina kike?" Ta ce, dani "Nassarawa" a nan ne ta zauna
Kawarta ta ce. dani "A'a mu a Kaduna nuka yiwo zaunawa
Ba 'yan Kano ne ba
Suka ban lambar waya wadda zana kira su mu dinga gaisawa
Mun fara waya da su haka mai dadi sun deben kewa
Daga baya idan na kira su sai inji layin yayi yankewa
Layin anyi kullewa

Wayyo Allah na Hamra (dawo Hamra yan mata)
Na daina ganin ki Hamra (dawo Hamra yan mata)
Ban jin muryar ki Hamra (dawo Hamra yan mata)
Yaya zanyi na ganki Hamra