So Na Gaskiya

Idan kaji kugi kasani akwai labari
Bayanin gaskiya wanda ba ayin kari
Labarin mai sona da gaske zanyi a tsari

Wanda ya sanni da ita ya sanni dan mun saba

Akwai so a cikin zuci wanda bashi da riba
Kaso wanda yake san wani ba kai dace ba
Amman ni soyayyar da nayi banyi kure ba
Ina so ta ta so ni sanda banyi zato ba

Kafin na kai ku da nisa
Dorayi dama nake
Unguwar Bello a nan nake sana'ar dinki
A inda nake kuma gidansu ma a layin yake
Gani na farkon ta da nayi zuciya ta harba

Shekaru matsakaita kaunar mu tayo girma
Gini mukeyi tare gidansu an sallama
Tazo da safe da yamma dare gidansu na koma
Kina birge kowa masoya dukka sun yaba

Akwan' a atashi
Muna kara shakuwa mai tsanani
Tana yin wanka tayi kwaliya duk dan ni
Kuma tayo kunshi tai flower duk dan ni ne
Idan tazo nunan bani nan baza ta tsaya ba

Masoyiya ta na tare yan kudin ta tabani
Tana yi mini hidima abinda zanyi tayi min
Toh matsalar farko ba kudi na aure gare ni
Gashi ta girma a lokacin da ban aune ba

Gidan su ance, "Na fito idan da gaskiya nake"
Kuma ni santa a zuci na riga na rike
Idan aka fadan in barta kuma kuka nake
Rai na ya bace ayi fada dani koh da ba a so ba

Lallai akwai al'ajabi a so na gaskiya
Da kaina nai mata maganar da zata waiwaya
Na ce, "Tayo aure zai fi mata gaskiya"
Ta ce dani, "Na bari maganar batayi duba ba"

Na ce da ita, "Kinga a kwan a tashi girma kike"
Kuma ke mace ce rayuwa gajera kike
Idan nace ki jira yan gidanku su ya suke
Gani suke in ma kin jira ni ba so ne ba

Da kyal na shayo kan yar uwa gwana ta
Farinciki na sadaukar wa rayuwar ta
Yanzu ta yo auren ta tai zaman ta
Na gode Allah banzo a masu san zuciya ba

Bata yaudare ni ba
Ban yaudare ta ba