هصاحب ديابه

أيوة، أيوة، أيوة
أنا جبت آخري يا زمن بتحك وأنا الهم في بالي تارس
أنا قربت أعيش في الجبل وأصاحب ذئاب وأنسى البشر خالص
(فيجو الدخلاوي (واو، حمودي ريمكس

أنا جبت آخري يا زمن بتحك وأنا الهم في بالي تارس
قربت أعيش في الجبل وأصاحب ذئاب وأنسى البشر خالص
كل أما أقول ده أصيل أطلع أنا اللي أصيل دولا سبارس
عمال أشيل في هموم متشاطة فيّ كإن أنا حارس

أنا ع الثبات وانتوا خسرتم يا اللي معايا أنا قصرتم
تسيبوني وحدي بفكركم أنا قدها بطولي ما بينكم
الشدة شدت عذرتني وصحبة منسحبة سابتني
وثقتي فيّ دي قوتني أنا طول ما روحي فيّ ههينكم

الدنيا لما بتقسى بتكشف الأندال على حقيقتهم
ولما عقلنا يقسى بتقسى ثاني علشان نفوق منهم
محتاج في زمنك ترسى لازم تكون فايق لتمثيلهم
صدقني هتلاقي مرسى أول ما تبعد وتنسى أماكنهم

عاملين عصابة وانتوا غلابة والله ما هعوز أتغابى
ثمن خراطيش وسحابة هخرمكم يا أحلى وحوش
أسهل حاجة المشاكل المفتري مسيره يتاكل
بقدر وبعفي عشان راجل الناس بيقدروا ما بيعفوش

من بعد ما قامت ثورة وأنا بقول يا غربة شديني
دي الناس بقت مسعورة ‫وكله face to face شايفه بعيني
مبدأ وماشيين بيه اللي على الإيد واكل يا زميلي
غلبان مالكش معيشة عشان تعيش إمشي بسلاح ميري

أشبال بقم مافيا في ناصية ما بقاش في أندية في أكاسيا
طموحنا أسلحة من روسيا ونخرموا بيها بعضينا
هقول حلال مش هيكفي وسط الشمال أعيش متوفي
هقول شمال كله في صفي ده قانون وموضة في أراضينا
ده قانون وموضة في أراضينا

عملت اللي عليّ ويمكن أزيد من اللي جه في بالي
من أجل تبقي عشاني بس اللي منك بيدمروا حالي
عاوزيني أنا يوماتي تايه عشان ما تبقيش عشاني أم عيالي
فضلم ورايا وراكي لحد ما اتفرقنا يا نور عيني
فضلم ورايا وراكي لحد ما اتفرقنا يا نور عيني

أنا كنت فاكرك ناسياني لما اتلاقيتي في واحد ثاني
أتاريكي دايماً فاكراني وغصب عنك سايباني
سبتيني علشان ترضيهم اللي شافوني عالة عليهم
وقفوا قصادي أصلي قاريهم يا رب اللي ذوقته يجي عليهم

إوعاك في يوم تتخدع في كلام أونطة فوق البشر قادرة
علشان تعاشر جدع لازم تشوف أفعاله في الشدة
مش كل من قال وعد ده بيوفي بيه إفهم بقى يا فردة
قبلك كثير وعدوني من أجل مصالحهم دي عيال فاجرة
قبلك كثير وعدوني من أجل مصالحهم دي عيال فاجرة

ما تقولش طيبة وحنية وسط اللي خانوا الأخوية
ما أعرفش أآمن إلا عينيّ الهري في الهوا ما أحبوش
اللي بشوفه ده اللي بآمنه مهما سمعت مفيش منه
تعرف فلان إسمع عنه عاشرته يبقى ما تعرفهوش