Brissago

Mer händ es riise Füürwerk de Himmel ufe gjagt
Alli Rakete zündet, bis mer nömme mag
Ond jetzt brönnt nor no de Zuckerstock
Ond uf dä hämmer beidi kei Bock

Mer händ üs nömme gfonde, aso chömmer nüd verlüre
Chom mer packed no einisch üsi Sache ond fahred i Süde
Jetzt hockemer ufem Schiff, Ascona uf Brissago
Aber werded nie meh acho

Zwösche Oh yeah and Oh je, legged es paar Johr, aber nömme meh
Zwösche Oh yeah ond Oh je, jo das send mer zweh
Oh yeah Oh je

Die Insle vo Brissago send üses Paris
De Blick ufe See ond de Ramazotti uf Iis
Händ scho vell chönne flecke so guet wie möglich verdecke
So guet wie möglich verstecke
No einisch itauche i das, wo mer gar nömme wänd ha
No einisch luege wie sech s'Liecht veränderet i dine Hoor
Met de Hand döre striiche aber mer send nömme die Gliiche
Aber mer send nömme die Gliche

Zwösche Oh yeah and Oh je, legged es paar Johr, aber nömme meh
Zwösche Oh yeah ond Oh je, jo das send mer zweh
Oh yeah Oh je, verbii

Zwösche Ascona ond Brissago werde mer niemeh acho
Zwösche Ascona ond Brissago werde mer niemeh acho

Zwösche Oh yeah and Oh je, das eschs gsi
Zwösche Oh yeah ond Oh je, verbii