Muotathal

Weisch, ich bin ä Vagabund
Im Läbe scho viel umächo
Di halbi Wält hani bereist
Doch immer wieder ziähds mi hei

Mä gseht's am Kilometerstand
Ich bi duruf, durab im Land
Doch ha so öppis i miär treid
Wo Heiweh heisst

Äs zieht mi hei entlang am See
Obä am Stoos lieht nu dr Schnee
Äs gahd nümmä lang, glii bini da
Wieder drheimä bi miär im Muotathal

Immer wänn ich gangä bi
S isch gliich wiä lang und gliich wohii
Das cheibä Gfühl äs lahd nüd lugg
Ä Strass wo fort gaht, chund au zrugg

Fahrä n'ich umä Horärank
Dr wildä Muota grad entlang
Immer dä chund's miär i z'Siin
Da ghöräni hii

Äs zieht mi hei entlang am See
Obä am Stoos lieht nu dr Schnee
Äs gahd nümmä lang, glii bini da
Wieder drheimä bi miär im Muotathal

Links obä höch im Abigrot
Gseht mä scho d'Mythä lüchtid rot
Äs gahd nümmä lang, glii bini da
Wieder drheimä bi diär im Muotathal

Jodel

Äs gaht nümmä lang, glii bini da
Wieder drheimä bi miär im Muotathal