El Problema

El problema, el problema xe un problema
Che dopo xe un problema che te fa stare mae, sempre queo

Triboeo, doeori fra el bunigoeo e el bigoeo
Pi mae de co bato eà testa forte so un spigoeo
E co poco mi me incasso, so ciapà da un spasmo
Me incapo co parlo e in pi so mato pi de Erasmo
Go l'acido e el torsego che me vien su dal stomego
Bevo e me infumego, el di dopo rumego
Acido muriatico so el stomego, xe caldo e so onfego
Ma stago qua so el sotoportego
L'ariéta xe fina, stago fora anca in spadina
Pare che me passa ma i pensieri me sassina
Me altero, ciàciaro, come uno tangaro
Esaspero, esagero, do minuti e so al macero
E de note vedo fighe, man co e vessighe
Assà là inpissà e co me svejo eà fa e righe
No xe pi un caso se ogni tanto sfaso, rivo che so raso
E a volte no rincaso, casco e bato el naso
E doman? Si, fasso un fià de straordinari
E co vegno fora 4 spriss col Campari
Stress da lavoro e el conubio sensa dubio xe el preludio
A situassion che no te afronti sensa studio

El problema xe che go un problema che me crea problemi
Che soeo se ghe penso fa saltare tuti i schemi
Stago tento e me scolto pa capire un pochetin
Pi che scolto e pi capisso che el problema vien da mi
Co xe note mi lo so che come senpre riva el beo
El problema xe un problema che me bate sol sarveo
Pi che scolto sto problema sto problema torna indrio
Vago inserca de capire: "Il problema sono io"?

Sarà, ma go xa visto tuto, pare scrito
Meto a testa sul cussin e fisso el soito sofito
Stago sito, vedo co un sforso
Pochi canbiamenti e cussì lenti che gnanca me n'incorxo
Massa spesso teso e dopo resto steso, meso leso
Vodo come un reso peso el poco tenpo speso
So projeti pi concreti e pi afeti
Manco conceti, pi raporti, pi o manco streti
Eò so che no ghe spero el xe un pensiero nero passejero
Co i ga fato e regoe, mi dove casso jero?
Serco vie de scanpo, robe che no guanto (no e ciàpo)
E vedo che e gaeja tra un goto e chealtro
Serte noti no xe magiche, vago torno
No dormo, me tormento finché xe jorno
Serte noti me despoio deà me vita da bastardo
Eà buto sora el leto, e là eà vardo
Sfide? Perse cuasi tute, fa gnente
Seto quante volte me so xa catà àe strete
E resta robe intime, tante resta fisime
Camino sol bordo, te prego no sta spinxeme

El problema xe che go un problema che me crea problemi
Che soeo se ghe penso fa saltare tuti i schemi
Stago tento e me scolto pa capire un pochetin
Pi che scolto e pi capisso che el problema vien da mi
Co xe note mi lo so che come senpre riva el beo
El problema xe un problema che me bate sol sarveo
Pi che scolto sto problema sto problema torna indrio
Vago inserca de capire: "il problema sono io"?

Calcossa qua no va, calcossa no va ben
Calcossa de inportante ma no so cossa che xe
Eà soeussion se cata, fin qua no se sballia
Ma dee volte eà xe ben sconta e par questo se se ràbia
Xe note, so in vestallia xo in cusina a far café
Ae sié el can che sbaja me sveja e salto in pié
Naltra note de pensieri cativi, de giri
Torno eà toea e de sospiri, più i papiri
Carte scrite e scanceae, pi che scrivo e pi fa mae
Ma devo scaricare eà tension de ste jiornae
Coeori da imajini, paroe che te inpajini
Ti che te te esamini distante dai alibi
Devo scuse a dee tose pa dee colpe
Co quéo che go fato sento el caldo so e ciope
Dago pi de un grassie ai me veci pa eà pasiensa
Me pare mena eà testa e te ghe lesi l'inpotensa
Doeorosissimo, eò so benissimo, ris-cio co insisto
Co i me ritmi e no i me capisse, no!
Par ogni alto un caeo, miga sieste co el poncho
Come na strassa so un canton da soeo me dissocio
Serco soeo eà conossensa de mi un fià de pì
Mi riapropio dea me vita no de cuèa che te fe ti
Go milioni de pensieri ogni dì, da ani va cussì
Da ani xe cussì e so cussì

El problema xe che go un problema che me crea problemi
Che soeo se ghe penso fa saltare tuti i schemi
Stago tento e me scolto pa capire un pochetin
Pi che scolto e pi capisso che el problema vien da mi
Co xe note mi lo so che come senpre riva el beo
El problema xe un problema che me bate sol sarveo
Pi che scolto sto problema sto problema torna indrio
Vago inserca de capire: "il problema sono io"?

El problema xe che go un problema che me crea problemi
Che soeo se ghe penso fa saltare tuti i schemi
Stago tento e me scolto pa capire un pochetin
Pi che scolto e pi capisso che el problema vien da mi
Co xe note mi lo so che come senpre riva el beo
El problema xe un problema che me bate sol sarveo
Pi che scolto sto problema sto problema torna indrio
Vago inserca de capire: "Il problema sono io"?

No, el beo xe che sarìa beo moeare de contarsea, dio
Dee volte sarìa beo anca saver riconossere che gavemo dee rogne dentro
Essere onesti no? Essere onesti co nialtri stessi, zio ken