El Nono

ألف الصلاة والسلام عليك يا حبيب الله محمد
إسمع كلام أمك
وإسمع كلام أخوك
وإسمع كلام أختك
إسمع كلام أخوك

حمد الله على سلامة النونو شرف ع الدنيا الساعة ستة
بيقول من ماما هاتوا هدومه علشان يلبس ويجي الحتة
ده قمر ومنور متدور في اللفة ده عمالة يتمختر
بيقول اللي هيجي يتصور من مالبامرز ده يجيب لي بكتة

حمد الله على سلامة النونة
وصل القمر جيه يا أخوانا
واحد كده زاد على عليتنا قولوا باسم الله قولوا ما شاء الله

رشوا الملح وكله يخمس
أصل النونو موصي كويس
هنوزع شيكولاتة وملبس وهنغني وكمان نرقص

حمد الله على سلامة النونو
النونو، النونو
زي القمر بصوا عيونه
النونو، النونو
جاين بنبارك ونهني
للنونو، النونو
وحلفنا عشانك لنغني
للنونو، النونو

ولا يشبه لباباه ولا مامته
بصو المولود بصوا حلاوته
أحلى من القمر ده بسيادته بشهادة عمته وخالته

النونو قال ولا واحد شبهي
ولاكن كلكوا غليين عندي
بيقول لكوا طب تتحدوني مين يعرف يضحك كده زيي

أنا عايزك ياد تطلع زيي
كل البنات عينهم مني
كلها بتخش تكلمني وتحايلني عشان رقمي

لا عايزك أنا تبقى خليفتي
كلها هتموت وتقلدني
أنا عايزك جامد إفهمني نصيحة يا ابني إسمع مني

حمد الله على سلامة النونو
النونو، النونو
زي القمر بصوا عيونه
النونو، النونو
جاين بنبارك ونهني
النونو، النونو
وحلفنا عشانك لنغني
النونو، النونو

حمد الله على سلامة النونو شرف ع الدنيا الساعة ستة
بيقول من ماما هاتوا هدومه علشان يلبس ويجي الحتة
ده قمر ومنور متدور في اللفة ده عمالة يتمختر
بيقول اللي هيجي يتصور من مالبامرز ده يجيب لي بكتة