Mazagna Thom Mazagna

شادي ويكس

يلا يا خليل
حب الدنيا وخليك رايق هتلاقي احلوت دنيتك
إنت عايش علشان تضايق ولا عايش علشان تبسطك
فكك من اللي يعكر مودك إطرده برة حياتك إرميه
عمر الضحكة ما كانت بفلوس مين يستاهل نبكي عليه

حبة فري هيحصل إيه لو صاحبك زعلان تراضيه
حبة ريلاكس ما تركزش خش انكش صحبتك الإكس
حبة هزار ساعة دمار يوم في السنة مش كلها نار
حبة لذاذة إزازة في إزازة لحد ما يطلع علينا نهار

إحنا مزاجنا ثم مزاجنا ثم الباقي نشوفه بعدين
كله يهون قدام روقانا ما كفاية ضاع من العمر سنين
هي الفرحة بتيجي في فرصة واللي يسيبها ده يبقي عبيط
واللي ده زعلان مني بقول له إخبط راسك في أتخن حيط

ويلكم بيبي فوق يا حبيبي إنت أصغر ضرفه في دواليبي
ولا يشغلني ما تفوق يا أبني أنا ولا شئ في الدنيا عاجبني
لو هتبعني عادي إيه يعني بس أوعى تفكر ترجع لي
لو ليك حجمك هوجع قلبك شكلك ياد ما سمعتش عني

جاي في ألش معانا ما تكلش دي الأليشة إحنا بنقلشها
قبلك فكر ده رجع مارش فوقناه قبل أما يعيشها
الجدعان بس بنعشقها والنكيشة إحنا بننكشها
والنكيدة اللي بتتنكد ده بكل سهولة نفرفشها

بص يا بند إحنا برند تيجي تنكشنا هتبقى ترند
إنت فشينك أما أنا كينج عندي فلوس تملأ مئتين بنك
قلبي أنا طوب فوق أدبدوب صاحبك صاحي في أي حروب
قلبك اش عادي يتنش إنت خروف وتملي تكش

عيش يومك يا زميلي وفقك ما تخليش حد يبوظه
عندك حلم لازم يتحقق إشقى وكافح روح نفذه
إوصل خلي اللي حبط فيك يا زميلي عينه تكون ع الأرض
وساعتها هيتمحك فيك ويشجع فيك إجباري وفرض

حب زميلك هتشوف خيرك ربك يا زميلي هيدي لك
حبيت نفسك تخسر إسمك وسط الناس تنكسر نفسك
خليك طيب مني قريب شوف أنا هعمل لأجلك إيه
لو حبيت لي واتمنت لي الخير يعني هتخسر إيه