فستانك الأبيض

خطوة ورا خطوة بتمشيها
دي اللحظة اللي أنا مستنيها
والأرض اللي بتمشي فوقيها
ما فيش قدك يا حبيبتي عليها

خطوة ورا خطوة بقربلك
جايلك علشان أفرح قلبك
وعمري اللي فات قبل ما أقابلك
مش بحسب أيامه من قبلك

فستانك الأبيض اللي هياخد منك حتة
وعشان اليوم ده رسمت، عملت أنا مليون خطة
والناس بتغني والدنيا بتعزف زفة
والمزيكا تعلى ومعاها بتعلى السقفة، آه
والناس بتغني والدنيا بتعزف زفة
والمزيكا تعلى ومعاها بتعلى السقفة

حبيبتي وعمري وأميرتي
يا بكرة اللي ماددلي إيديه
يا قصري وبيتي وجزيرتي
وحلم قدرت أوصل ليه

وقالوا الشعر عن ليلى
وكتبوا في سحرها دواوين
وأنا وليلى بقينا لبعض
في دنيتنا سوا عايشين
عايشين

فستانك الأبيض اللي هياخد منك حتة
وعشان اليوم ده رسمت، عملت أنا مليون خطة
(والناس بتغني والدنيا بتعزف زفة)
والمزيكا تعلى ومعاها بتعلى السقفة، آه
والناس بتغني والدنيا بتعزف زفة
والمزيكا تعلى ومعاها بتعلى السقفة

خطوة ورا خطوة بنمشيها
دي اللحظة اللي أنا مستنيها