Behia

Aspertu zen behia
beti begira egoteaz
eta igo zen trenera
gezurrezko biboteaz.

Zeharkatu zituen
belardi eta mendiak
eta azkar gurutzatu
hiri eta herriak.

Mister deitu zuten
Ingalaterran,
eta Frantzian aldiz
Madamme.

Orain leku batean
eta gero bestean,
behia pozik zihoan
abiada betean.

Eta beste behiek
aurretik pasa ahala,
begiratzen zioten
tren bati bezala.