Amore Contrariadu

Pro culpa tua so malostiadu k'hapo finzas diversu s'assimizu
Beni a nos divider su fastizu, su ki, bella, pro te hapo passadu

Sos mios si sun dande sentimentu ca ti tenzo carignos biancu nie
Ma passet puru sa vida gasie: pro te ogni disgustu m'est cuntentu
Cando s'hat a appartare ogn'alimentu m'han a privare de amare a tie
In su coro amorosu ti m'iscrie finzas k'hamus a giomper su disizu

Pro culpa tua so malostiadu k'hapo finzas diversu s'assimizu
Beni a nos divider su fastizu, su ki, bella, pro te hapo passadu

No mi disperat timoria nissuna: in firmesa che rocca so segundu
Cando rifletto in te isto giocundu mancari mi traigat sa fortuna
No podet benner mancu sole e luna de dare risplendores a su mundu
E deo fin'a esser moribundu de t'amare hap'a tenner contivizu

Pro culpa tua so malostiadu k'hapo finzas diversu s'assimizu
Beni a nos divider su fastizu, su ki, bella, pro te hapo passadu

Contivizu hap'a tenner de t'amare de cantum'aggradesses e t'istimo
A Deus solamente est su ki timo si no mi lassat s'intentu lograre

Mi podet dogni sorte cambiare ma su carign'in te già lu cunfrimo
Cando discurr'in te, bella, m'animo
De cantu t'hapo in mente e su disizu
Mi podet dogni sorte cambiare ma su carign'in te già lu cunfrimo
Cando discurr'in te, bella, m'animo
De cantu t'hapo in mente e su disizu

Pro culpa tua so malostiadu k'hapo finzas diversu s'assimizu
Beni a nos divider su fastizu, su ki, bella, pro te hapo passadu
Pro culpa tua so malostiadu k'hapo finzas diversu s'assimizu
Beni a nos divider su fastizu, su ki, bella, pro te hapo passadu