Lughia Radiosa

Lughia Radiosa jana de sa luna
Bivit in su casteddu prenu 'e lughe
Cando su sole narat "bona notte"
Falat dae sos pizzinneddos

Una colovra manna cun sas alas
Sa coda islongat finas a sa luna
Lughia Radiosa cun sa lughe in manu
Si che lassat lassinare

E bolat bolat poi Lughia Radiosa
Supra sa sua colovra manna, bolada
Impare cun sos pizzinneddos
Chi cantana in coro
E cun sos ojos riet Lughia Radiosa
Sos pizzinneddos cun sos ojos riene
No sunt pius solos. Sunt bolende
Cun sa jana 'e sa luna

Como poden dormire
Como poden bisare
Cun sa jana 'e sa luna

Lughia Radiosa cantat in su buscu
"lera lilera lera la lilera"
Sos pizzinneddos supra sa colovra
Lassinana dae sa coda

Danzana impare poi a sos puzzoneddos
Merulas, corbos e cuccumiaos
Lughia Radiosa in mesu de s'arrolu
Brincada impare a issos

E bolat bolat poi Lughia Radiosa
Supra sa sua colovra manna, bolada
Impare cun sos pizzinneddos
Chi cantana in coro
E cun sos ojos riet Lughia Radiosa
Sos pizzinneddos cun sos ojos riene
No sunt pius solos. Sunt bolende
Cun sa jana 'e sa luna

Como poden dormire
Como poden bisare
Cun sa jana 'e sa luna (cun sa jana 'e sa luna)
Cun sa jana 'e sa luna (cun sa jana 'e sa luna)
Cun sa jana 'e sa luna