Нууцхан Сэтгэлийн Үнэн

Бүүвэй аяланхан мэлмэрүүлдэг ижийтэй билээ би
Бүс нь чанга ухаан хурц өндөр хөх эцэгтэй билээ би
Уран биелгээний аясаар намилзан долгиотох
Угаасан устай билээ би
Уянгат хуурын эгшигээр зэрэглээтэн мяралзах
Унасан газар шороотой билээ
Хааяа хааяа сэтгэл минь сэмэрэх юм
Аяар аяархан амьдрал минь дэнсэлэх юм даа
Уяран хайрланхан ард үлдсэн эгэлхэн мөчүүд минь
Ухаант ардын минь итгэлд хүрээ болов уу яагаа бол
Унаж босож дэнчиж үнэнтэй нөхрөлсөн андуухан энэхэн заяа минь
Унаган төрлөх нутаг гэгээн өвгөдын ариун ёсонд таацаа юм болов уу
Хааяа хааяа сэтгэл минь сэмэрэх юм
Аяар аяархан амьдрал минь дэнсэлэх юм даа
Буцах ганц хоромд ч олныг минь уйтгар нөмөрвөөс
Мянган хоног зүрх шархалж нэг л гундуу гэлдэрнэм бишүү би
Эргэх нэгээхэн цаг дор хөх Монгол минь жаргалын нартай мандаваас
Айсуй буман өдрүүд тайван амгалан уужим тэнэгэр алхнам бишүү би
Хааяа хааяа сэтгэл минь сэмэрэх юм
Аяар аяархан амьдрал минь дэнсэлэх юм даа