Тэбу

А табыу табыу
Табыума сянэми сфешъуIожьи!
Пырэжъыяхьэ (о) тыкIощты тэ Iошъы
Пшъэшъэ (о) купыджэ (о) тыкъежьэ
А табыу табыу
Табыума сянэми сфешъуIожьи!

Пырэжъыер къэтшIэуи тыхэтызэ (о)
Пшъэшъэ (о) купыджэ (о) тэгъуащэ
А табыу табыу
Табыума сянэми сфешъуIожьи!

Пшъэшъэгъощагъэджэ тыкъакIозэ (о)
Шыукупэр къакIоуи тэлъэгъу
А табыу табыу
Табыума сянэми сфешъуIожьи!

Пырэжъые хьамэми сыхэплъэшъы
Шыукупэу къакIорэ сэдъэгъу
А табыу, табыу
Табыума сянэми сфешъуIожьи!

Ер алахьэри къысати
Нэфынэр хэт сIуи сыгушIуи
А табыу, табыу
Табыума сянэми сфешъуIожьи!

Шыукупэу къакIорэр къынэсы (о) шъ
Нэфынэр къэсышъы куэуцу
А табыу табыу
Табыума сянэми сфешъуIожьи!

ИкIэ(у) кIуакIэхэр къеубгъу
ИбгъутIуицэхэри къычIесэ
А табыу табыу
Табыума сянэми сфешъуIожьи!

"Мы кIакIом укIо (о) цIылъынымрэ
Мы чатэм зышIоудзэнымрэ
Ядэ" – еIошъы къысеIо
А табыу табыу
Табыума сянэми сфешъуIожьи!

(Яр) аллахьэри къысауи
Зыбыдзым тызэ (о) дыдешъуи
Зыкуашъом тызэ (о) дытеси
А табыу табыу
Табыума сянэми сфешъуIожьи!

УикIакIом сыкIо (о) цIылъынэп
Мы чатэм зышIо (о) сыдзэни
А табыу табыу
Табыума сянэми сфешъуIожьи!

СидышъэIахъухэр ишъухыжьымэ
Синысэ кIасэми сфешъутыжьи
А табыу табыу
Табыума сянэми сфешъуIожьи!

Щыуахьы цыехэр сшIыгъахэшъы
Синыбджэгъуоу кIалэми сфешъутыжьи
А табыу табыу
Табыума сянэми сфешъуIожьи!

Дышъэ сыулыкъухэр сшIыгъахэшъы
Столашъхьэм сфыте (о) жъугъэуцуи
А табыу табыу
Табыума сянэми сфешъуIожьи!