Ez Egin Alde

Hitzez esan ez dudana
adierazten saiatzean
begitara begiratzen
zaitut erantzun eskean,
zure ahotsa entzun eta
irribarre egitean
dardara igarotzen zait
goitik behera gorputzean.

Urrun ikusten zintudan
hori da zinez egia
une gutxi izan arren
eman didate bizia,
lasai ez dizut eskatzen
ekartzeko ilargia
mesedez amets hontatik
ez egin alde maitia.