Azken Argiak

Herri txikitako azken argiak itzaltzen doaz
Auzoko beroa hozten ari dela ikusteaz
Amorrua besterik ez
Zerbait galdu denaren seinale
Non geratu ote diren
Ume izan ginen egun haiek?
Auzo zaharrak hustu ta isiltzen doaz
Berriak eraiki ta guztiak xarma barikoak

Arriskuaren maitale
Suaren gose etengabe
Debekua bekatua
Bide zuzenetik beti oker
Auzoan ez da bazterrik odolez elikatu ez dugunik
Ta guzti horren ordaina
Gaur egun sentitzen dugu oraindik

Auzo zaharrak hustu ta isiltzen doaz
Berriak eraiki ta guztiak xarma barikoak

Ta gu ikustean, zurrumurru ta hatzamarrak
Eskuak burura gure ekintza bakoitzean
Gaur egun ordea, auzoa dago hilzorian
Gazte gutxi eta, dagoena alienatuta!

Atzoko gazteak hemen gaude
Argi guztiak pizteko
Gure ondorengoei
Bidea zein den erakusteko
Kaskamotzak garela!
Auzo zaharren azken defentsa!
Auzoa hil nahi baduzue!
Akabatu beharko gaituzue!

Auzo zaharrak hustu ta isiltzen doaz
Berriak eraiki ta guztiak xarma barikoak
Ta gu ikustean, zurrumurru ta hatzamarrak
Eskuak burura gure ekintza bakoitzean
Gaur egun ordea, auzoa dago hilzorian
Gazte gutxi eta, dagoena alienatuta!