Kheliha Taamel

خليها تعمل ما بغات ما دامها شابة في البنات
راه قلبك على جالها مريض، الشه فيّ والله ما نغيض
خليو النية وما نوات أنا شقيت هي ما عبات
وعلاش هكذا قلبها حديد، الشه فيك والله ما تغيض

خليها تعمل رايها خليت شغالك على جالها
كيما ادير والله ما يفيد، الشه فيّ والله ما نغيض
قلت لها باللي تحبها كي عرفت دارت غرضها
بيتاتك للندى والجليد، الشه فيّ والله ما نغيض
خليها تعمل ما بغات ما دامها شابة في البنات
راه قلبك على جالها مريض، الشه فيّ والله ما نغيض
خليو النية وما نوات أنا شقيت هي ما عبات
وعلاش هكذا قلبها حديد، الشه فيك والله ما تغيض

اعطاتني تيعاد الخميس درت وعدة مبروك يا عريس
كسيت روحي كلشي جديد، الشه فيك والله ما تغيض
كل ما نتفكرها نغيس عليك ألف لعنة يا ابليس
راه الهوى داني من للبعيد، الشه فيك والله ما تغيض
خليها تعمل ما بغات ما دامها شابة في البنات
راه قلبك على جالها مريض، الشه فيّ والله ما نغيض
خليو النية وما نوات أنا شقيت هي ما عبات
وعلاش هكذا قلبها حديد، الشه فيك والله ما تغيض

خليها على كيفها دايرة في زينها سلاحها
بغات تموت في حبها شهيد، الشه فيّ والله ما نغيض
راك ادور قدام بيتها لاصق في حبها عقابها
واش ادير ما لقيت ما تزيد، الشه فيّ والله ما نغيض
خليها تعمل ما بغات ما دامها شابة في البنات
راه قلبك على جالها مريض، الشه فيّ والله ما نغيض
خليو النية وما نوات أنا شقيت هي ما عبات
وعلاش هكذا قلبها حديد، الشه فيك والله ما تغيض

قالوا لي صحابي شي كلام شي واش دارت لك في الطعام
راك تخلع سعيد من البعيد، الشه فيك والله ما تغيض
مازالني نكتب في الظلام ونشعر لها في الغرام
ليل كامل في بيتي وحيد، الشه فيك والله ما تغيض
خليها تعمل ما بغات ما دامها شابة في البنات
راه قلبك على جالها مريض، الشه فيّ والله ما نغيض
خليو النية وما نوات أنا شقيت هي ما عبات
وعلاش هكذا قلبها حديد، الشه فيك والله ما تغيض

ما تقولوش البنات هبلوه راه قلبه محروق سلكوه
جيبوها له يولي سعيد، من غير هذا شي ما يفيد
اخطبوها له وزوجوه ما تعطلوش حتى تجيحوه
إذا جاح الوخذة تزيد، قلبي لحمة ما هوشي حديد
خليها تعمل ما بغات ما دامها شابة في البنات
راه قلبك على جالها مريض، الشه فيّ والله ما نغيض
خليو النية وما نوات أنا شقيت هي ما عبات
وعلاش هكذا قلبها حديد، الشه فيك والله ما تغيض

تميت كلامي بالتمام، هذا هو عشق الريام
يرجع النية عنيد، الشه فيّ والله ما نغيض