Zuhaitzak

Udazkenean dabil orbela dantzari,
zuhaitza geratu da adarrak ageri.
Itxarongo diogu udaberriari,
zuhaitza izan dadin berriro zaindari.
Zuhaitz batzuk, ordea, adore handiko,
hostoei jausten ez diete utziko.
Izeia ta pinua hor dira tarteko,
udan ta neguan babes emateko.
Mundu honetan ezinbestekoa
gure zuhaitzak maitatzea,
zaindu ditzagun gure parte dira.
Gora zuhaitzak!
Arbolarik gehienak baso-zelaietan,
enbor sendo handiak, argalak besteetan,
fruta eta fruituak adar altuetan,
babestu eta zaindu ditzagun benetan.
Hosto, berde, hori, marroi ta gorriak,
handi, ertain ta txiki oso deigarriak,
hirustak ere dira erakargarriak.
Bihotz tankerakoak: liluragarriak.
Mundu honetan ezinbestekoa
gure zuhaitzak maitatzea,
zaindu ditzagun gure parte dira.
Gora zuhaitzak!
Urkia, pagoa, haritza, lizarra, artea, pinua,
Sagarrondoa izeia, ezkia, laritza, lertxuna, zumarra, zedroa, aranondoa
Mundu honetan ezinbestekoa
gure zuhaitzak maitatzea,
zaindu ditzagun gure parte dira.
Gora zuhaitzak!