Tama Samoa

Ua logo i tino matagi lelei
Tala ua 'aave mai nei
Tama fanau a Samoa ua fai mou sei
Lau ta'alo ua malie o, ma lou sa'ilimalo
Ua iloa ai Samoa i o ma o

O si o ta atunu'u, e leiloa i le fa'afanua
A'o lau ta'alo ua iloa ai ta'ua
Alo i fa'agatama, 'ae le galo i lou agaga
Le tapua'iga o lo'o tu'i mai le mulipapaga.

Ua pati lima ma ta'oto'oto si toea'ina
A'o le tina ua tutulu ae ua le pisa
Ia pouliuli lou tino, ae malamalama ou mata
Tama A Samoa, se'ia tafetoto ou ala.

Samoa tula'i mai, e molia le fa'afetai
O lau ta'alo se ua malie mata e va'ai
Lau ta'alo fa'atausala, e le taumate e seisi
A e malolo, e malolo.

Ua faigata ia ita, Samoa e lau tapua'iga
Ne'i o'u malolo, e fa'agalo mai ia ita
Maualuga pea i le agaga, o oe o le matua faitama;
E malu ai ita, i mea nei o fa'agatama.

Alo ia oe i ou faiva, tau ina ia a'e malo
Oute tapua'i, pei o le faiva o le fe'epo
Avane ia le tagavai, o lo'o ta fa'avae ai
Pei o la Paulo, o ai se e fa'asaga tau mai.