Tawga Bardim

Tavğa bardım, tav kesmege
Taldı menim bilegim.
Oynamasam, külmesem
Yanar menim yüregim.

Men bir ava sımarladım
Aqmescit ustasına.
Meni dohtur yapsınlar
Yaş qızlar hastasına.

Qaradan beyaz olmay deyler
Qaradan beyaz ola eken.
Dosttan duşman olmay deyler
Dosttan duşman ola eken.

Elimdeki maqasım, ay
Piçerim, ay, piçerim.
Uzaqlarda yarem qaldı.
Asretligin çekerim.