Bunte Hungk

Fass immer, wenn mer ungerwääs sin, kütt irjendeiner zo mir
Un säht mit Trone en dä Auge
"Jung, dinge Papp, dat wor ne joode Fründ vun mir"
Un ich denk irjendwie, deiht dat e besje wieh
Doch irjendwie deiht dat och joot
Denn do küss immer mit, jung, ich verjess dich nit
Minge stille Copilot

Do wors ne bunte Hungk, nie e Blatt vürm Mund
Häs ding Fähler nie versteck
Do wors ne bunte Hungk, minge wunde Punk
Ich han su vill Froche, ävver do bes weg
Hey, ahle Räuber, kanns do mich hüre?
Kanns do mich sinn, wie ich he stonn?
Hey, ahle Räuber, wie ich probiere, in dinge Schon wigger zo jonn
Do fähls mir jede Daach

Ich künnt dinge Rod off joot jebruche
Wenn ich nit weiß, wie et wigger jeiht
Ich wöödt jään wisse, wat do sähs, zu minger kleine Band
Saach, wat wör ding Lieblingsleed?
Un ich denk: "Irjendwie, deiht dat e bessche wih
Dat di Enkelche dich övverhaup nit kennt"
Doch do bes trotzdem do, et weiß, dä Opa, jo
Dä wonnt do bovve, wo die Wolke sin

Do wors ne bunte Hungk, nie e Blatt vürm Mund
Häss ding Fähler nie versteck
Do wors ne bunte Hungk, minge wunde Punk
Ich han su vill Froche, ävver do bes weg
Hey, ahle Räuber, kanns do mich hüre?
Kanns do mich sinn, wie ich he stonn?
Hey, ahle Räuber, wie ich probiere, in dinge Schon wigger zo jonn
Do fähls mir jede Daach

Do fähls mir jede Daach

In minger Buud hängk noch dat Bild vun dir
Schwatz-Wieß, met Hot und do sitz am Klavier
För su vill Lück wors do ne Fründ
Immer jradus un unjeschmink, Fassad hätt dich nie intressiert

Ne bunte Hungk

Do wors ne bunte Hungk, nie e Blatt vürm Mund
Häss ding Fähler nie versteck
Do wors ne bunte Hungk, minge wunde Punk
Ich han su vill Froche, ävver do bes weg
Hey, ahle Räuber, kanns do mich hüre?
Kanns do mich sinn, wie ich he stonn?
Hey, ahle Räuber, wie ich probiere, in dinge Schon wigger zo jonn
Do fähls mir jede Daach

Do fähls mir jede Daach

Fass immer, wenn mer ungerwääs sin, kütt irjendeiner zo mir
Un säht mit Trone en dä Auge
"Jung, dinge Papp, dat wor 'ne joode Fründ vun mir"