Paris

Koffere send packt ond scho verstout
De Chochhärd esch usgschaute d'Liechter ou
De letschti Blick zom Huus de fahreds fort
Ohni z'wösse wenn sends weder zrogg

Sii hed scho emmer wöuwe Länder entdecke
Sech vo de Morgesonne loh wecke
Reise scho emmer ehre Troum gsii
Doch är hed zerscht wöuwe schaffe ond spare
D'Chind doss ha ond s'Huus abzahle
Ond gseid ergendwenn chond üsi Ziit

De wärde mer Paris gseh
Kafi trenke ade Champs-Élysées
De fahre mer of Montpellier
A de Köschte bes Saint-Tropez
De wärde mer Paris gseh
Läbe wie die Riichen ond Schönen am Meer
Das versprechi der
Versprechi der

Em Outo nemmt är ehri Hand ond seid
Danke hesch dis Läbe met mer teilt
Die Wönsch ond Tröim wo mer beidi hend gha
Hemmer erföut nor eine fäuht üs no

Sii hed scho emmer wöuwe Länder entdecke
Sech vo de Morgesonne loh wecke
Reise scho emmer ehre Troum gsii
Doch är hed zerscht wöuwe schaffe ond spare
D'Chind doss ha ond s'Huus abzahle
Ond gseid ergendwenn chond üsi Ziit

De wärde mer Paris gseh
Kafi trenke ade Champs-Élysées
De fahre mer of Montpellier
A de Köschte bes Saint-Tropez
De wärde mer Paris gseh
Läbe wie die Riichen ond Schönen am Meer
Das versprechi der
Versprechi der

D'Chrankeschwöschter weckt sii beidi früeh
Sii lueged sech zwöi ah ond är seid müed
Heb ned Chommer ech bliib nochli do
Ha der versproche met of Reise z cho

Mer wend doch no Paris gseh
Kafi trenke ade Champs-Élysées
Mer wend doch no of Montpellier
A de Köschte bes Saint-Tropez
Mer wend doch no Paris gseh
Läbe wie die Riichen ond Schönen am Meer
Mer wend doch no Paris gseh