Etorri Etxera

Mendietako jentil guztiak
hasi dira pozez dantzan
gure Olentzero txabola utzita
jadanik dago abian.
Sorpresa asko prestatu ditu
ondo gordeta zakuan,
zirt- zart batean, di-da batean
izango da gure artean.

Etorri etxera
Neguko jaia da,
adiskide oro
batuko gara gaur
suaren ondoan.

Etxeko atea zabalik dago
Olentzero etor dadin.
Galtzagorriak, Mari Domingi
be bai datoz berarekin.
Hainbat opari dakarkigute
irrifar handi batekin,
politena da denok batera
egotea elkarrekin