សុនខតាមផ្លូវ

I . អូនមិនមើលឃើញ ព្រោះបងមិនមានតម្លៃ
ត្រឹមកសិករក្រក្រី បាតដៃប្រឡាក់ភក់ជ្រាំ
គេកូនអ្នកមាន កាន់លុយដុល្លារពាន់ៗ
មានឡានវីឡារាប់ជាន់ ទើបអូនជ្រើសយកគេ។
II . បងកាន់ត្រាក់ទ័រ គេវិញកាន់ឡានទំនើប
ទើបបេះដូងអូនរំភើប ក្ដីស្នេហ៍ក៏ប្រែងាករេ
យូរទៅឆ្ងាយទៅ សល់ត្រឹមអតីតមនុស្សក្បែរ
យ៉ាងណាក៏អូនជ្រើសគេ បងនេះទេជាសត្វចិញ្ចឹម។
R សុនខមួយក្បាល ដែលអូនបោះបង់ចោល
តាមផ្លូវតែលតោល គ្មានន័យរស់គ្មានសង្ឃឹម
អូននៅនឹងគេ សូមឱ្យមានស្នាមញញឹម
ទឹកភ្នែកដូចភ្លៀងរលឹម ព្រោះអីត្រូវឃ្លាតឆ្ងាយស្រី។
III.ឱត្រាក់ទ័រអើយ អ្នកហើយជាមិត្តកំដរ
លែងហ៊ានព្រោះដឹងខ្លួនក្រ ត្រដរទៅមុខគ្មានន័យ
ទោះស្មោះដល់ងាប់ ក៏គង់តែគ្មានសល់អ្វី
លុយឡានគេផ្គាប់ចិត្តស្រី បេះដូងក្រក្រីស្មោះស៊ីមិនបាន៕