Odissea

Ah, Odissea
Yeah, Odissea
Yeah, Odissea
Odissea

L'onda 'ncopp'â sponna fa 'a schiuma, se sfuma
È inutile vottá acqua 'ncopp'ô fuoco comm'a Cuma
Sole è oro e argiento è luna
E 'o Vesuvio 'ncopp'â costa fuma e 'o viento porta zolfo e aroma
'O golfo ispira 'o poema 'e na sirena, protagonista 'e 'st'Odissea
Me dette 'e note comme dote
Cu ll'uocchie comme notte, pelle come latte, mare come lietto
Te canto 'stu sunetto che tratta 'e nu ritratto fatto a na dea

M'hê 'a credere, Partenope è cchiù bella 'e Venere
E si è bucia, bruciateme e niente è cchiù fertile d"a cenere
Nun more 'st'etnia, 'stu gene, è chello ca me scorre dint'ê vene
Si po me spengo s'ammesca terra e sanghe (sanghe)
Comm"o posto addò vengo (vengo), ca se miscela 'o magma c"o fango
E chello che tenimmo è 'o rango e si nn'o vide, scava
Tesore dint'ô core comm"e stive sott"e nave

Si vuó capí Napule, tecchete 'e chiave 'int'ê mane e si trase
È inferno e paraviso, sacro e profano, lotta tra Abele e Caino
Chi va facenno 'e vote ê sante e chi ancora addumanna â Sibilla sorte e destino (yeah)
Cultura greco-latina 'int'ammuina tra faste e fatte nefaste, 'sta ggente mista
Esalta gesta, pasta, casta e dinastia, filosofia e poesia
Basta n'idea e Napule distrugge e crea, Odissea

Yeah, Odissea
Yeah, Odissea
Odissea
Ah, Odissea
Ah, Odissea
Yeah, Odissea
Odissea

N'aggio visto 'e poste giuste, ma nisciuno comm'a chisto
E n'aggio canusciute artiste che pe 'sta città
Nn'ce bastato gnostro p"a cuntá, pe le fá c'hê 'a stá
Sulo quanno vide 'e crede 'e meraviglie 'e ccà
'O sole ca corre pe corridoje 'e terra
Allucca e bordelle manco ce stesse 'a guerra
Lazzare e scugnizze 'a fore 'sti palazze
Arazze 'a 'int'ê panne stise 'e n'ata razza, so' bandiere 'a fore

Mira 'e tesore d"o passato (vide)
'O sapunaro tene a Giotto e nun 'o sape, se l'è scurdato
Pecciò mo mo arape ll'uocchie
Dimmello tu, specchio delle mie brame
Qual è 'a più bella 'e 'stu reame, yeah

Napule ogge, Palepole ajere
Accà ll'aria addora 'e storia
E 'o piacere 'mmiez'a 'sti quartiere
Se siente sfumature d"o dialetto
Capisce 'sta terra cu quanta gente ammore ha fatto (yeah)
Quinne me metto 'e notte cu na stilo
Pitto 'o profilo 'e chistu cunfetto che ffanno
E da chist'onne che bagnano 'e sponne
Dâ schiuma se crea n'atu poema comm'a chesta Odissea

Yeah, Odissea
Yeah, Odissea
Yeah, Odissea
Yeah, Odissea
Odissea
Ah, Odissea
Odissea
Yeah, Odissea

Piglia 'e gioie e pure 'e pene
Chesta è 'a scena, te n'hê 'a fá n'idea
Tene 'a nomea, 'stu posto è n'Odissea
Bene, male, verità e bucie
Va accussì come ha dda í
Ah, chesta è 'a filosofia