Los Papièrs

En França papà disiè
Cal totjorn far de papièrs 
Papièrs de tota grandor
E de totas las colors
De verds de roges de blancs
Ligats o papièrs volants
Espés coma de carton
O fins coma de pelon
En França papà disiè
Cal totjorn far de papièrs
E se sabes pas legir
Segur te faràs rostir
Las mendres de tas accions
Demandan una atestacion
E se sabes pas signar
Segur te fas engarçar

Encara siás pas nascut
Tot sol dins ton ataüc
Te cal passar d'examens
Far tos primièrs documents
E tre qu'as mostrat un uèlh
Que t'an copat lo cordèl
Te marcan a l'Estat civil
Ton nom amai ton perfil
Cal papièrs per batejar
Que Dieu ten un agendà
Papièrs per te controlar
E per te repertoriar
c l'escòla per dintrar
Papièrs te cal emplenar
Te pesar e te mesurar
cmai te far vaccinar

c quin ase lo papièr
Mon paire totjorn disiè
c quin ase lo papièr
Es plan sovent messorguièr

Cal papièrs per estudiar
De papièrs per trabalhar
Papièrs per te sindicar
E per te far licenciar
Papièrs per anar puntar
E per te far rebalar
Papièrs per anar portar
cquel que t'enganarà
Papièrs quand vòls esposar
O per te desmaridar
Papièrs per te far taxar
O per te far remborsar
Papièrs per vendre e crompar 
O papièrs per manlevar
De papièrs quand vòls jogar
cl lotò la tombolà

Papièrs per reivindicar
Papièrs per manifestar
Papièrs per te far margar
O per te far embarrar
Cal papièrs per viatjar
Cal papièrs per emigrar
Papièrs per te far tustar
E per te far expulsar
Papièrs per te far sonhar
O per te far operar
Papièrs per te transfusar
O per te far transplantar
Papièrs per te far traucar
O per te far transportar
Papièrs per anar cagar
O per te far emmerdar

Papièrs per te retirar
Papièrs per te repausar 
Papièrs per te far sostar
Te far infantilizar
Papièrs per te conservar
O per te far desbrancar
Papièrs per poder crebar
Per te far estremonciar
Papièrs per poder testar
E per te far detestar
Papièrs per te momificar
O per te far enterrar
Papièrs per te far cremar
Cal un permés d'inumar
O ben cal restar vivent 
Fins al darrièr jutjament