Tiempu De Sidra Y Roses

Canciones sonando alantrones
d'un tiempu pasáu, d'un tiempu meyor.
D'un tiempu de sidra y roses,
de grandes batalles ensin brindis al sol.

Cantaraes que nun canta naide,
de lluz, d'esperanza ,de llucha y d'amor.
Derrota d'anguañu el presente,
presente'l futuru de la ensin razón.

Caminos que naide camina,
pisaes perdíes al escurecer.
Autovía de la Utopía,
que por miopía dexemos de ver.

(Y agora)
Si nun quies cantar llora.
Si nun quies llorar llucha.
Si nun tienes esperanza,
danza hasta la fin al son del tambor.

Canciones sonando alantrones
d'un tiempu pasáu, d'un tiempu meyor.
Volvamos cantales toes xuntes,
brindando con sidra, cargaes de razón.

(Y agora)
Si nun quies cantar llora.
Si nun quies llorar llucha.
Si nun tienes esperanza,
danza hasta la fin al son del tambor.