12蓮花 (煽情版)

第一可憐羅蓮花
出生風場昧快活
悽慘落泊就是我
做牛做馬也得拖

第二可憐蓮花酸
苦命蓮花心頭酸
後母不為仔打算
想要嫁人也久長

可憐呀蓮花呀
實在可憐代

第三可憐蓮花姐
壞命做工到半暝
頭燒目暈那是病
破病也得去賺錢

第四可憐蓮花代
好壞人客阮招待
十分招待嫌阮壞
要打要罵又要塞

可憐呀蓮花呀
實在可憐代

第五可憐蓮花種 (第五可憐蓮花種)
有人實在無同情 (有人實在無同情)
也無外多錢阮用 (也無外多錢阮用)
要打要罵又要種

第六可憐蓮花城 (第六可憐蓮花城)
流落歡場歹名聲 (流落歡場歹名聲)
後母愛錢無愛仔 (後母愛錢無愛仔)
迫到阮呀無路行

可憐呀蓮花呀
實在可憐代

第七可憐蓮花紅
阮是可憐歹命人
後母當阮不是人
害阮痛苦一世人

第八可憐蓮花頭
流落歡場昧出頭
後母顧前無顧後
害阮暝日目屎流

可憐呀蓮花呀 (可憐呀蓮花呀)
實在可憐代 (實在可憐代)

第九可憐蓮花時
做了這行已幾年
可憐家人無相見
阮嘛不知企叨位

第十可憐蓮花光
歸暝做工到天光
想到有厝唔湯返
終身再也難見光

可憐呀蓮花呀
實在可憐代

十一可憐蓮花怨
想到身世真哀怨
後母迫我做這款
越想心內越超煩

十二蓮花無了時
墮落黑暗難見天
少年賺錢是一時
老來怎樣過日子

可憐呀蓮花呀
實在可憐代