Renmen Ayiti

Nou bezwen lanmou
Yo ban nou malè
Nou bezwen la pè
Yo ban nou la guè
Nou bezwen travay
Yo vle nou mande
Nou bezwen vanse
Yo met chenn lan pie n

Nou bezwen respè
Yo pa prann pou mounn
Nou bezwen pale
Yo met pie sou kounn
Nou vle libète
Yo bann religyon
Nou vle tèt ansanm
Yo se divizyon

Konbyen ti mounn ki pou n pèdi
Anvan ti dlo koule lan ge n
Koubyen ayisyen k pou mouri
Anvan n deside leve pie n
Konbyen tire di m konbyen mò
Anvan chèf tounen sèvitè
Konbyen viktim, ak konbyen kò
Anvan nou rele se t ase!

Konbyen ti zanj ki pou peri
Anvan nou konprann fòs la vi
Konbyen krye konbyen tanpri
Anvan pou mizè nou fini
Konbyen violans ak san fanmi
Anvan n kaba ak mal fini
Konbyen chante konbyen pwezi
Anvan nou renmen Ayiti

Nou bezwen sante
Yo bann kolera
Nou bezwen mange
Yo ban nou fatra
Nou vle abiye
Yo ban nou pèpè
Nou bezwen leve
Yo mete n atè

Nou vle makonen
Yo pa wè l konsa
Bezwen wè demen
Yo touye lespwa
Nou bezwen zanmi
Yo fè nou lenmi
Nou bezwen grandi
Yo vle nou peri

Konbyen ti mounn ki pou n pèdi
Anvan ti dlo koule lan ge n
Koubyen ayisyen k pou mouri
Anvan n deside leve pie n
Konbyen tire di m konbyen mò
Anvan chèf tounen sèvitè
Konbyen viktim, ak konbyen kò
Anvan nou rele se t ase!

Konbyen ti zanj ki pou peri
Anvan nou konprann fòs la vi
Konbyen krye konbyen tanpri
Anvan pou mizè nou fini
Konbyen violans ak san fanmi
Anvan n kaba ak mal fini
Konbyen chante konbyen pwezi
Anvan nou renmen Ayiti
Anvan nou renmen Ayiti
Li lè pou n renmen Ayiti
Mwen vle wè n renmen Ayiti
Ayiti
Ki lè nap renmen Ayiti
Wi fòk nou renmen Ayiti
Li lè pou n renmen Ayiti