Падай, Ярыла!

Падай, Ярыла, ты ключы з неба,
Адчыні, Ярыла, ты сіняе неба.
Ой, пусці, Ярыла, на траву расу,
Выпусці на волю зялёную красу.
Абудзі, Ярыла, яснае сонца,
Загляні, Ярыла, ў кожнае аконца.
Падай, Ярыла, ты ключы з неба,
Адчыні, Ярыла, ты сіняе неба.

Дакранісь, Ярыла, да налітых хмараў,
Уздыхні, Ярыла, ты веснавым жарам.
Запалі, Ярыла, падол небакраю,
Адпусці да сонца
звон птушыных граяў.
Вымятай, Ярыла, зімнія падлогі,
Ой, амый, Ярыла, ты басыя ногі.
Падай, Ярыла, ты ключы з неба,
Адчыні, Ярыла, ты сіняе неба.