وصية الرسول

جعل من له في قلبي مكان
يبقى في الأرض عمره وطاريّه
لي أسبوع وبالي سرحان
على الذي حبه سكن فيّ

أنا عليه متوله وشفقان
وأخاف عليه من الأذية
وأنا على بره وشوفه طمعان
غير الوقت ما عرف اش تاليّه

والله لو أعيش من العمر ثمان
ما اوفيش يوم من لطفش عليّ
أسوق طاريش لكل الأزمان
ما تندثر ما حبتش لو صلوا عليّ

أمي ما غيرها تسوا الأعيان
في عيني الناس دون وهي عليه
إن جيتها متكدر رحت طربان
وإن فقدتها يا كبر بلاويّة

لو يزيدون عمرش واتكفن بأكفان
والله إنّ أسوق العمر لش هديّة
أغلى من الماس والدر والمرجان
أنت من الرب سبحانه عطية

قالوا العمر أسرع من رمش الأعيان
وأنت في عيني طول العمر حية
وأنت ملاكً على هيئة إنسان
واجمل من مشى في الكرة الأرضية

والله لو يزعل فلان وعلان
موصي عليها رسول البرية
صلى الله على كامل الإيمان
هُدى ورحمة للنفوس العذية
هُدى ورحمة للنفوس العذية