Aatha Un Kovilile

ஆத்தா உன் கோவிலிலே
அலங்கார வாசலிலே
ஏத்த வந்தோம் மாவிளக்கு
எங்க குறையை நீ விலக்கு

அடி அலங்காரி அருள் சுப தேவி
எங்கள் வாழ்வை காக்கும் மாரியம்மாவே

மங்கலம் குலுங்கும்
எங்கள் குங்குமத்து நாயகிக்கு
மஞ்சள் நீர் எடுத்து வந்தோம்

மணக்கும் புது மல்லிகப்பூ
தொடுத்து வந்தோம்

தங்கமே உன் பூ மணக்கும்
அங்கமெல்லாம் பூசிடத்தான்
சந்தனமும் கொழச்சு வந்தோம்
தாயே உன் சன்னதியை தேடி வந்தோம்

அடி அலங்காரி அருள் சுப தேவி
எங்கள் வாழ்வை காக்கும் மாலையம்மாவே

ஆத்தா உன் கோவிலிலே
அலங்கார வாசலிலே
ஏத்த வந்தோம் மாவிளக்கு
எங்க குறையை நீ விலக்கு

மனசால நான் நெனச்ச
மகராசன் வேண்டுமம்மா
கை ஏந்தி கேட்டு நின்றேன்
கண் கொண்டு பாருமம்மா

ஆசை வைச்ச பொண்ணு மனசு
ஆத்தா உனக்கு தெரியாதா
ஆளை கொல்லும் ஆபத்து
உன் அன்பால் தாயே விலகாதா

உள்ளுக்குள்ளே தேனை வச்சு
நெஞ்சுக்குள்ளே நஞ்சை வச்ச
வஞ்சகத்தை தடுத்து விடு
கொடுமைகளை வாளெடுத்து அறுத்து விடு

அன்பிருக்கும் உள்ளத்துக்கு
வந்திருக்கும் துன்பமதை
அம்மா நீ மாற்றி விடு
ஆத்தா உன் கண்ணால பார்த்து விடு

அடி அலங்காரி அருள் சுப தேவி
எங்கள் வாழ்வை காக்கும் மாலையம்மாவே

ஆத்தா உன் கோவிலிலே
அலங்கார வாசலிலே
ஏத்த வந்தோம் மாவிளக்கு
எங்க குறையை நீ விலக்கு

அம்மா உன் கண்ணை மறைச்சு
அநியாயம் காணுதம்மா
அலைபாயும் பிஞ்சு நெஞ்சம்
இனி மேலும் தாங்காதம்மா

கண்ணுக்கு இமையாய் இருக்கும்
கண்மணி வாழணும் புரியாதா
கண்ணீரில் மாலை கட்டிப்
போட்டேன் உனக்கு தெரியாதா

வெண்கல மணி அடிச்சு
மங்கல ஒளி கொடுத்து
தங்கமே வர வேண்டும்
எங்களுக்கு தஞ்சம் நீ தர வேண்டும்

நம்பி வந்த பக்தனுக்கு
துன்பம் என்றும் இல்லை என்று
நம்பிக்கையை தர வேண்டும்

தாயே நீ நல்ல
பதில் சொல்ல வேண்டும்

அடி அலங்காரி அருள் சுப தேவி
எங்கள் வாழ்வை காக்கும் மாலையம்மாவே

ஆத்தா உன் கோவிலிலே
அலங்கார வாசலிலே
ஏத்த வந்தோம் மாவிளக்கு
எங்க குறையை நீ விலக்கு

அடி அலங்காரி அருள் சுப தேவி
எங்கள் வாழ்வை காக்கும் மாரியம்மாவே

ஆத்தா உன் கோவிலிலே(ஆத்தா உன் கோவிலிலே)
அலங்கார வாசலிலே(அலங்கார வாசலிலே)
ஏத்த வந்தோம் மாவிளக்கு(ஏத்த வந்தோம் மாவிளக்கு)
எங்க குறையை நீ விலக்கு(எங்க குறையை நீ விலக்கு)