Ranantlya Mankdda

ಪಾನಾ ಇಡ್ಯಾಂತ್ಲ್ಯಾನ್...
ಪುಸ್ಪುಶಿ ಲೋವ್
ಯುಗಾ ಯುಗಾಂಚಿ...
ಮುಸ್ಮುಶಿ ದಾವ್... ತುಂಚ್ ಮ್ಹಜೊ ಭಾವ್

ರಾನಾಂತ್ಲ್ಯಾ ಮಾಂಕ್ಡಾ
ಯೇ ಖುಶಿ ಪಾವ್
ಬಗ್ಲೆನ್ ರಾವ್ ತುಂ
ತುಂಚ್ ಮ್ಹಜೊ ಭಾವ್

ಆದಾಂವ್ಚಿ ಬೋರ್ ಕಾಡ್ಲಿ ವ್ಹಡ್ಲಿಮಾಂಯ್ಚ್ಯೊ ಕಾಣಿಯೊಂ
ಲ್ಹಾನಾ ವ್ಹಡಾನ್ ದೊಳೆ ಧಾಂಪುನ್ ಗಳಯ್ಲ್ಯೊ ಮಣಿಯೊಂ
ಕೊಣೆ ಫಟ್ ಮಾರ್ಲಿ, ಕಿತ್ಯಾಕ್ ಲಾಟ್ ಮಾರ್ಲಿ?
ಚಿಂತುನ್ ಚಿಂತುನ್ ಜಾಲೆಂ ಮ್ಹಜೆಂ ಮಸ್ತಕ್ ಮೋವ್.
ತುಂಚ್ ಮ್ಹಜೊ ಭಾವ್

ರಾನಾಂತ್ಲ್ಯಾ ಮಾಂಕ್ಡಾ…

ತುಜಿಚ್ ಖಾಡ್ಕಿ, ತುಜಿಚ್ ಉಡ್ಕಿ, ತುಜೆಚ್ ಗೂಣ್ ಚಾಲ್
ದೀಸ್ ರಾತ್ ವೆಂಗುನ್ ರಾವ್ಲ್ಯಾತ್ ಜಶಿ ರೂಕ್ ವಾಲ್
ತವಳ್ ತವಳ್ ಖೊರ್ಜುತಾ ಲೋವ್
ಝಡ್ಲೆಲೆ ಶಿಮ್ಟೆಚಿ ಪೊರ್ನಿಶಿ ಮಾವ್.
ತುಂಚ್ ಮ್ಹಜೊ ಭಾವ್

ರಾನಾಂತ್ಲ್ಯಾ ಮಾಂಕ್ಡಾ…

ಸಾವ್ಕಾರಾಚಿ ಅಂರ್ದಿಲ್ಲಿ ಮೂಟ್ ತುಜೆಂಚ್ ಬೆಸಾಂವ್
ಪಾದ್ರಿ ಟಿಚೆರಿಚಿ ಕೂಟ್ ತುಜೆಂಚ್ ಲಿಸಾಂವ್
ತುಜೆಚ್ ತೆ ಗೂಣ್ ಇಗರ್ಜೆಂತ್ ಲೆಗುನ್
ಬೊಲ್ಸಾಂನಿ ಹಾತ್ ಘಾಲುನ್ ಖೊರ್ಪುಂಚೆಂ ಲೋವ್.
ತುಂಚ್ ಮ್ಹಜೊ ಭಾವ್

ರಾನಾಂತ್ಲ್ಯಾ ಮಾಂಕ್ಡಾ…