Shenddo

ಹಾಂವ್ ಪಾಟ್ಲ್ಯೆ ಸಿಟಿರ್ ಬಸ್ಲಾಂ
ತುಂ ಬಸ್ಲ್ಯಾಯ್ ಮುಕ್ಲೆ ಬಸ್ಕೆರ್
ಹಾಂವ್ ಭಾಯ್ರ್ ಭಿತರ್ ಲಾಸ್ಲಾಂ
ಅತ್ಮೊ ಪಡ್ಲಾ ರಿಸ್ಕೆರ್
ತುಜೊ ದುದಿಯಾ ತೆದೊ ಶೆಂಡೊ
ವಾಂದ್ರಾ ಭಾಶೆನ್ ವಾಗ್ತಾ
ತಟಾ ಫಟಾ ತಟಾ ಫಟಾ
ನಾಕಾಕ್ ಮ್ಹಜ್ಯಾ ಲಾಗ್ತಾ.

ಆಗೊ ಹೊ ಶೆಂಡೊ, ಆಗೊ ಹೊ ಶೆಂಡೊ
ಅಗೊ ಹೊ ಶೆಂಡೊ ಯಾ ಕಾಸುಳೆಚೊ ಕಾಂದೊ?

ವ್ಹಯ್ರೆ ಹೊ ಶೆಂಡೊ, ವ್ಹಯ್ರೆ ಹೊ ಶೆಂಡೊ
ಮ್ಹಜ್ಯಾಚ್ ಮಾತ್ಯಾರ್ ಆಸಾ ವೊಗೊ ತುಕಾ ಕಸ್ಲೊ ವಾಂದೊ?

ಮ್ಹಜೆಂ ಶಿಂತಿದ್ ಚಿಂತುನ್ ಕಡ್ಲಾಂ
ಮ್ಹಜೆಂ ಕಾಳಿಜ್ ಫುಟೊನ್ ರಡ್ಲಾಂ
ಫ್ಯಾಶನಾಂನಿ ಉಕ್ಲುನ್ ಮ್ಹಾಕಾ ಅರ್ದ್ಯೆ ವಾಟೆರ್ ಸೊಡ್ಲಾಂ
ಅರ್ದೆಂ ರಗತ್ ಹರ್ದ್ಯಾ ವಯ್ಲೆಂ
ಭುರ್ಗ್ಯಾಬಾಳಾನ್ ವೊಡ್ಲಾಂ
ದೆಕುನ್ ಮಾತ್ಯಾರ್ ಸಂಸಾರಾಚೆಂ
ಪುರಾಯ್ ರೆಕೊರ್ಡ್ ಮೊಡ್ಲಾಂ

ಅರೆ ಹೊ ಶೆಂಡೊ, ಅರೆ ಹೊ ಶೆಂಡೊ
ವ್ಹಯ್ರೆ ಹೊ ಶೆಂಡೊ ಮ್ಹಜ್ಯಾ ಲಕ್ಶಣಾಂಚೊ ಗೊಂಡೊ

ವ್ಹಯ್ಗೊ ಹೊ ಶೆಂಡೊ, ವ್ಹಯ್ಗೊ ಹೊ ಶೆಂಡೊ
ತಾಕಾ ಚಿಂತುನ್ ಶಿಂದುನ್ ವೆತಾ ಅಕ್ಕಲಾಚೊ ಕಾಂದೊ

ಮ್ಹಜ್ಯೆ ಮತಿಂತ್ ದುಬಾವ್ ಚರ್ಲಾ
ಹೊ ಖೆಳ್ಗೆ ಕಸ್ಲೊ ಧರ್ಲಾ?
ಕೇಸ್ ವಾಡೊವ್ನ್ ಮಾತ್ಯಾ ಮುಳಾಂತ್ 
ಸಾರೆಂ ಗೊಬೊರ್ ಪುರ್ಲಾ
ಯಾ ದಿವೊಡ್ ಭಿತರ್ ಉರ್ಲಾ
ಯಾ ಕಂಟ್ರಿ ಸೊರೊ ಭರ್ಲಾ
ಯಾ ಪಾಯ್ನೆಲಾಂತ್ಲ್ಯಾ ಜೆಜು ಪರಿಂ
ಸಂಸಾರ್ ಶೆಂಡ್ಯಾಂತ್ ಧರ್ಲಾ?

ಅಗೊ ಹೊ ಶೆಂಡೊ, ಅಗೊ ಹೊ ಶೆಂಡೊ
ಮಾತ್ಯಾರ್ ಬಾಂದುನ್ ಕೆಸಾಂ ಮುಡೊ ಜಡಾಯ್ ಕಶಿ ಸೊಸ್ತಾ?

ಅರೆ ಹೊ ಶೆಂಡೊ, ಅರೆ ಹೊ ಶೆಂಡೊ
ಮ್ಹಜ್ಯಾಚ್ ಮಾತ್ಯಾರ್ ಆಸಾ ವೊಗೊ ತುಕಾ ಕಿತ್ಯಾಕ್ ಲ್ಹಾಸ್ತಾ?

ತುಜೊ ದುದಿಯ ತೆದೊ ಶೆಂಡೊ....
ವಾಂದ್ರಾ ಭಾಶೆನ್ ವಾಗ್ತಾ
ತಟಾ ಫಟಾ ತಟಾ ಫಟಾ

ಶಟ್ ಅಪ್....!!