Ekrano

01- Ekrano

Teksto kaj Muziko: Martin
Dua harmonio komponis: Siru Laine


En la vaku'
Post la perturbo taga
Mi sidas nun
Kun kapo senimaga
Kaj sinkas kun kviet'
La faroj nun
Mi sinkas kun sekret'

Sed al la blua lum'
Mi altiriĝas dum
Transbrilas de lontane
Vizaĝo surekrane

Kaj malgraŭ hont'
Mesaĝon mi forsendas
Al la legont'
Je kiu mi dependas
Ekiras la signal'
Sed vanas nun
Negoco kun fatal'

Sed al la blua lum'
Mi altiriĝas dum
Transbrilas de lontane
Vizaĝo surekrane

Ĉio silentadas dum atend'
Mano etendiĝas al transcend'

Kaj al la blua lum'
Mi altiriĝas dum
Transbrilas de lontane
Vizaĝo surekrane