Mové Rev

Baskil in koté la vi
Lot koté la nuit
Désot lorizon in farfar voyaz
Ziszatan mon kor i déboul
Dann parad papang

Dann bordaz krwazé
Koz langaz le sor
Pri shaplé bondié
Tramay èk la mor 

Mi pans mi rèv
Mi vé byin krwar
Lodèr i anlèv
Fé fann an flèv
Tout mon léspwar

Na l'gou margoz
Si l'bor mon lèv 
Na k'mon kor tann
I tranm an fièv
Navé komsi
In lodèr d'sèv
In gou tro sèk
Dan l'bor mon rèv