Zweiazwenzgi

Das goht nia verbi

Jeda en Rucksack
Susch hemmer nüt packt
Nur ganz en Huufa Träum kha im Grind

Ir letschta Minuta
Zwei Billett buachet
Gar nid druf gluaget, irgendwo hi

Höch simmer gfloga
Gar keini Sorga
Taga verschlofa und Nächt duragmacht

Nüt het üs feschtghebt
Hend im Moment glebt
Nur jung und frei und ganz ohni Plan

Dozumol mit Zweiazwenzgi
Hüt luag i zrugg und denn denk i
Aso unbeschwert sind miar doch beidi gsi
Du und i

Dozumol mit Zweiazwenzgi
Ds Leba schiint aim schier unendlich
Miar hend denkt das werdi immer gnau so si
Und nia verbi

Das goht nia verbi

Wo miar sind zrugg cho
Het jeda sin Weg gno
So wia's halt allna irgendwenn goht

Prioritäta
Wo'd hesch im Leba
Sind uf z'Mol amna andra Ort

Doch gsehn i die Junga
Bim Bahnhof dunna
Mit ama Rucksack und ma Billett

Denn muass i grinsa
Will i mi erinnra
Wia miar doch selber döt gstanda sind

Dozumol mit Zweiazwenzgi
Hüt luag i zrugg und denn denk i
Aso unbeschwert sind miar doch beidi gsi
Du und i

Dozumol mit Zweiazwenzgi
Ds Leba schiint aim schier unendlich
Miar hend denkt das werdi immer gnau so si
Und nia verbi

Das goht nia verbi

Dozumol mit Zweiazwenzgi
Hüt luag i zrugg und denn denk i
Aso unbeschwert sind miar doch beidi gsi
Du und i

Dozumol mit Zweiazwenzgi
Ds Leba schiint aim schier unendlich
Miar hend denkt das werdi immer gnau so si
Und nia verbi