צוויי קיען

צוויי קיעלעך

אידן, אידן, מיין ליבע פאלק ישראל
וואו דו גייסט וואו דו שטייסט איבעראל
אויב דו ווילסט אויפגעבן חלילה שפירסטו
צום הימל קוק נאר ארויף

אידן, אידן, מיין ליבע פאלק ישראל
וואו דו ביסט, וואס דו טוסט, אלעמאל
ווען דיין האפענונג חלילה שוין פארלירסטו
ניין, ניין, געב נישט אויף

ווייל א איד טאר קיינמאל נישט אויפגעבן
מיט א שטראל פון האפענונג נאר לעבן
מיט יעדן פראבלעם
פארלאז דיך נאר אויף אים
פארגעס נישט אז דו ביסט א איד

און א איד טאר קיינמאל נישט אויפגעבן
מיט א שטראל פון האפענונג נאר לעבן
מיט יעדן פראבלעם
פארלאז דיך נאר אויף אים
וועסטו זען אז עס וועט זיין גוט

דער סטרעליסקער צדיק ר' אורי דער עולם שטורעמט
א ברית פאר זיין קינד דער צדיק מאכט ער
די סעודה נעבעך אזוי פארארעמט
א טישטוך מיט צוויי ארעמע לייכטער

דעם צדיק ר' אורי פרעגט ר' לייב מימעלעס
פון וואו לעבט דער רבי? אפשר העלפן דערצו וועל איך
פרנסה - זאגט ר' אורי - פון הימל איז
כ'האב ב"ה צוויי גוטע קיעלעך

צומארגנס הייסט ר' לייב פאר זיין רביצין: אזוי וויל איך
פון היינט מאל אן ביי ר' אורי קויפן מילך
זי שרייט: קיין קיען קיינמאל נישט געהאט
ר' לייב לויפט צוריק פרעגן פשט

ר' אורי זאגט: מיין קיעלע כי הם חיינו
די צוויי קיען זענען א דבר רוחני
איין כי - כי בו ישמח לבינו
און די צווייטע כי בשם קדשו בטחנו

ווייל א איד טאר קיינמאל נישט אויפגעבן
מיט א שטראל פון האפענונג נאר לעבן
מיט יעדן פראבלעם
פארלאז דיך נאר אויף אים
פארגעס נישט אז דו ביסט א איד

און א איד טאר קיינמאל נישט אויפגעבן
מיט א שטראל פון האפענונג נאר לעבן
מיט יעדן פראבלעם
פארלאז דיך נאר אויף אים
וועסטו זען אז ס'וועט זיין גוט

אין אין לנו על מי להישען
נאר אויפ'ן טאטן דעם געטרייען
אידעלע לאַן דיך נאר אן
על אבינו שבשמים

לחן • סיפור • חרוזים: פנחס מרדכי וועבער