Polarleechter

Un mer trecke üvver't Land
Üvver Felder, Berje, Täler un dä Strand
Wä och et Lenkrad üvvernimmp
Die Stroß es frei, die Luff es klor, dä Kurs bestimmp

Oh, mir wolle nit vill
Kein Ahnung, ävver e Ziel

Ich wollt schon immer de Polarleechter sinn, oh
Et sin nor 30 Stunde Fahrt bes dohin, oh
Ich wollt schon immer de Polarleechter sinn, oh
Un mir fahre durch die Naach, denn hück es alles drin - alles drin

De Finster op, noch es et wärm
Un op dä Röckbank singe mir laut Ärm en Ärm
Jeiht dann de Sonn op hingerm See
Fahre mir bestimmp schon Spure en dä Schnee

Oh, mir wolle nit vill
Kein Ahnung, ävver e Ziel

Ich wollt schon immer de Polarleechter sinn, oh
Et sin nor 30 Stunde Fahrt bes dohin, oh
Ich wollt schon immer de Polarleechter sinn, oh
Un mir fahre durch die Naach, denn hück es alles drin - alles drin

Dä Motor us, jetz es et still
Die Stroß es wieß, de Luff es kalt, mer sin am Ziel
Jo, hedrop waade mir schon lang
Dann fängk dä Himmel nor för uns zo leuchte aan

Ich wollt schon immer de Polarleechter sinn, oh
Et sin nor 30 Stunde Fahrt bes dohin, oh
Ich wollt schon immer de Polarleechter sinn, oh
Un mir fahre durch die Naach, denn hück es alles drin

Ich wollt schon immer de Polarleechter sinn, oh
Et sin nor 30 Stunde Fahrt bes dohin, oh
Ich wollt schon immer de Polarleechter sinn, oh
Un mir fahre durch die Naach, denn hück es alles drin - alles drin
Alles drin