Ibiltzean

Akituta, aspertuta, nazkatuta, ahituta,
hustuta eta galduta.
Behea jota nago, eta horrenbeste bilatzeaz,
argi izpirik ba ote da?
Kezkaturik, nahasturik, biluzik, bakarrik, 
ilunari amore emanik.
Gauak ametsak ekarri dizkidan arren,
goizak ametsak zapuzten dizkit. 

Bidea luzea bada ere, bidean aurrera goaz. 
Bidea malkartsua da, eta ezatsegina askotan.
Bidean barrena abiatu ginen aspaldian.
Bidea eginez, bidea izango gara.

Eta ibiltzean egin dezagun bidea
har dezagun airea
geroa eginez geurea 
eta ibiltzean askatasun haizeak 
eraman gaitzala aurrera
geroa eginez geurea.

Bizitzaren bideak ez dira nik uste nuena, 
ezta imajinatzen nuena.
Kantuak horrela zioen irakaspen bat gisa,         
buruan izan dut bizitzan
eztarriak, argiak, herriak, irriak,
gurekin egongo dira.
Gaur ilunabarra behar bezala agurtzeko,
bihar goiz-argia ikusteko.

Bidea luzea bada ere, bidean aurrera goaz. 
Bidea malkartsua da, eta ezatsegina askotan.
Bidean barrena abiatu ginen aspaldian.
Bidea eginez, bidea izango gara.

Eta ibiltzean egin dezagun bidea