Ya Teir - يا طير

يا طير يا محني الجناح والريش
يا طير مين علمك تبكي، تبكي ولا تغنيش
يا طير يا محني الجناح والريش
يا طير، يا طير مين علمك تبكي، تبكي ولا تغنيش

ده أنا لو أغني الدنيا ماتسعنيش
بس الغنا يا خسارة، يا خسارة، يا خسارة ماطاوعنيش
دي الغنوة في قلبي والقلب متعبي
أصل الزمان مال بي والريح بتلعب بي
ده زماني لما رماني، رماني، رماني مانصفنيش
وإمتى أغني وأعيش؟

و أغني ليه وزماني، زماني ماساعدنيش
والفرحة بتواعد، بتواعد، بتواعد ولا بتجيش
والليل بيطويني والآه على لساني
والحزن يخاويني ولا ليلة ينساني
ده زماني لما رماني، رماني، رماني مانصفنيش
آه إمتى أغني وأعيش؟
إمتى أغني وأعيش؟
إمتى أغني وأعيش؟
إمتى أغني وأعيش؟