تخرجنا تخرجنا

تخرجنا تخرجنا .. و ضيّ الحلم نوره بان
وأنهينا متاعبنا .. برحله ترضي أصحابه
وهذا الدرب وصّلنا .. و فكّينا له البيبان
هِنا من حولنا اهلنّا .. وكلٍ حوله احبابه

وحققنا أمانينا .. بعلم وموقف و إصرار
رفعنا روس اهالينا .. و عطانا العزّ تيجانه
ورفعنا في ايادينا .. شهاده تنهي المشوار
بنجاحٍ داعب الفرحه .. وكل الدنيا فرحانه

وصلنا فوق للقمه .. وهذا جهد عام و عام
و حلمٍ بان في رسمه .. بلوحه زانت الوانه
وهذي زفة التخريج .. تزّف السعْد و الاحلام
أمانينا تداعبنا .. وكلٍ ردد الحانه

هلا يا كبر هالفرحه .. هلا يا زين هالميعاد
اخيراً يومنا هذا .. دنى واسدل لنا استاره
مسيرتنا بها نمشي .. بفخرٍ بالشهاده زاد
و نسمع صوت اهالينا .. تهانيهم لنا ابشاره