لا تشغل البال

لا تشغل البال بالدنيا تدبِرها
الله المدَبِر ويعلَم خافي أحوالك
نَفسك على الجود والمعروف صبِّرها
وإلجأ لربِّك تشوف الخير يبرا لك

الأقدار ما أحَد غير الله يقَدِرها
الأمر أمرَه فلا يجي شَك في بالك
سيرتك بالطِّيب وأهل الطِّيب عطِّرها
وإذا تبا يطيب ذكرك طَيِّب أفعالك

لا تشغل البال بالدنيا تدبِرها
الله المدَبِر ويعلَم خافي أحوالك
نَفسك على الجود والمعروف صبِّرها
وإلجا لربِّك تشوف الخير يبرا لك

حياة غيرك ما تقدَر تغَيِّرها
عليك نفسك وأهلك وإحفَظ عيالك
وكن قدوة إلهُم بأفعالك تسطرها
وإسلِك طريق الشَّهامة تنجح آمالك

لا تشغل البال بالدنيا تدبِرها
الله المدَبِر ويعلَم خافي أحوالك
نَفسك على الجود والمعروف صبِّرها
وإلجا لربِّك تشوف الخير يبرا لك

وَإِن شفت أهل المعاير لا تعيِّرها
إذا تعيب عيب بغَفلة جالِك
مطيَّة الوَقت كم ترمَح مضَمِّرها
دنياك تِكدر وبعض أحيان تصفى لك

خذها بدوب وسهولة لا تعَسِّرها
وإبخَل بعَرضك وأرخِص بالسخا مالك
ما يحاسب الله على النِّيِة ويظهِرها
الله بعد لا ترى يحاسب على أعمالِك

لا تشغل البال بالدنيا تدبِرها
(الله المدَبِر ويعلَم خافي أحوالك (أحوالك
نَفسك على الجود والمعروف صبِّرها
وإلجا لربِّك تشوف الخير يبرا لك