شوقك يجيبك

يا حبيبي ، ما ورى كثر التغلي
غير حزن و دمع عين و كسر خاطر

شاطِر احساسي ما دامك مثل ظلي
كيف تسمح للغياب إيصير شاطر ؟

______________________________________

انت لو انك تجي مجلس محلي
عشت ما بين القصايد و الخواطر

اترك الفايت من اوضاعي يولّي
الهوى لذته في خوض المخاطر

______________________________________

لو للهجر ضوح و سنا
مابي يطاولنا العنا
ليه الجفا و انتي و انا
اثنين و انحب بضمير

______________________________________

مشيت في درب الوله
آخره ، يشبه لـ اوله
ايلين ما عدت اجهله
مريت في دربه كثير

______________________________________

يا حبيبي ، في العمر ما عاد بدري
ليت لي عمرين ، اعيشك عُمر ثاني

ادري ان شوقك يجيبك و انت تدري
اني اعد الدقايق و الثواني

______________________________________

مسكنك وسط العيون و وسط صدري
قل لعذال الهوى هذا مكاني

انت قيفاني ، و تفكيري ، و شعري
انت ابو كل القصايد و الاغاني

______________________________________

تعال ، يا شبه الظبي
تعال ، سو اللي تبي
فدوتك صبري و اتعبي
مالك من العالم خشير

______________________________________

تعال و انسا اللي مضا
قلبي بهجرك ما رضى
تعال و ابشر بالرضا
يا الحُب الاول و الاخير