يروح غالي يجي الف غالي غيره

زيزو المايسترو

الدنيا جنة للعبيط والفهمان تعبان
في زماننا كثرت الحواديت والحب كان ياما كان
أنا اللي ياما علي نفسي جيت من أجل ناس أندال
آخرتها من كله اتأزيت على نفسي أنا زعلان

مافيش حد ع الجد بقا سالك
هاتوا لي صفقة أصحاب من الخارج
في إيه يا دنيا ما تروقي بقا مالك
مش شايفة ناس جدعان

عالم خاينة والحب مش نافع
معاك مادة تبقا كبير الشارع
بقا الغدر يا با سهمه في الطالع
وألف رحمة على السلكان

يعني أنا فيّ وفيّ وإنتم ملايكة ما بتأذوش
بتقولوا عني كلام أنا عن نفسي ما عرفهوش
ده أنا اللي خيري عليكم يا اللي خذتوا وما صنتوش
فكرتكم معدنكم غالي لكن طلعتوا فاشوش

هاخد جمب من كله وهفارق
عشان منكم أنا بجد متضايق
ماليش صحبة ولا ليّ أنا شقايق
مش هشوف غير نفسي وبس

أنا على الله وبنفسي مش بيكم
هتترسموا لا طظ بقا فيكم
ما تتعدلوا ليه بتنسوا نفسيكم
مش رجولة والله ده نقص

ما بقتش بفتكرك خلاص ولا حتى تيجي في بالي
ولا حتى بزعل لما سيرتك تيجي صدفة قبالي
أنا كنت أيوة خسارة فيكي وكنت عليكي غالي
والحمدلله إني خلعت ولحقت نفسي وحالي

يروح غالي ييجي ألف غالي غيروا
عالم ناقصه وفي ضيقتي بتطيروا
أنا عارفكم من سيرتي بتغيروا
وعايزين تشوفوني مكسورة

على راحتكم والله بهواكم
هتنسوني في دقيقة هنساكن
خلاص يعني رجليكم شيلاكم
لا وبقيتوا تعيشوا في الدور

المركب اللي تودي واللي يغور ما يرجعليش
مش فارقه عندي أنا مين فارقني ومين ما فارقنيش
فاكرين غيابكم هيضايقني وفي بعدكم مش أعيش
بالعكس ده إنتم غيابكم حتى والله ما شغلنيش

أنا في حالي وعايش ظابط حالي
ومش فارقه ويايا لا أبالي
ومن يومي أنا مقامي في العالي
مش بشغل بالي بحد

في ناس مني محروقة أوي مني
وأنا عارفكم والله ما شاغلني
مافيش حد أنا في حاجة يسألني
وسيرتي حلوة على أي أرض