Ей Махаббат

Сенесіңбе, махаббат сенесіңбе?
Қайта салдың, өткенді сен есіме. 
Жастық жалын,шағымда бір көрініп
Елеңдетіп, кетіп ең елесіңе,
 кетіп ең елесіңе.  

Тұрақсызсың, мен сенен соны ұққанмын. 
Жоғалтып ап көңілім торыққанмын. 
Ей махаббат, білмеймін баяндыма,
Орта жолда өзіңмен жолыққаным, өзіңмен жолыққаным

Зәру едім, өзіңнің бір еміңе,
Қан жүргендей,болды енді реңіме. 
Қиналдымау, қаншама қиналдымау
Жасандыдан, жүк артып жүрегіме
Жүк артып жүрегіме.  

Не көрмеді, бұл жолда мына басым,
Мына жүрек ендігі жыламасын. 
Енді айрылсам білмеймін, айталмаймын 
Мына жүрек шыдарын, шыдамасын. 
шыдарын, шыдамасын.